“ӨВ” гэрэл зургийн төсөл
“ӨВ” гэрэл зургийн төсөл
Баримтат гэрэл зургийн “Ц.Батзориг” сан нь Монголын гэрэл зурагчдын архивт хадгалагдаж буй ховор, нандин хальсны гэрэл зургуудыг дахин амилуулж, олон нийтэд хүргэх зорилгоор “ӨВ” төслийг эхлүүлж байна.
Өнөө цагт технологи биднийг гэрэл зурагт улам ойртуулж байгаа ч,
хуучны хальсан дээр буусан олон үнэ цэнтэй агшин өнөөдөр хэн нэгний шүүгээ, хайрцаг, эсвэл авдрын мухарт мартагдан хэвтэж байна.
Тэдгээр зургууд бол цаг хугацааны гэрч, өнгөрсөн үеийн амьд дурсамж юм.
“ӨВ” төсөл нь энэ үнэт өвийг сэргээн, ном болон үзэсгэлэнгийн хэлбэрээр олон нийтэд хүргэж,
гэрэл зурагчдын намтар, уран чадварыг таниулахын зэрэгцээ тэдний бүтээлийг баримтжуулан зохиогчийн эрхийг хамгаалах зорилготой.
Энэ бол бидний түүх, дурсамж, үнэт агшныг дараа үеийнхэнд өвлүүлэх үйл хэрэг юм.
Төслийн эхний хоёр цуврал “ӨВ” номыг хэвлүүлэх санхүү босгох зорилгоор бид дараах хэлбэрээр дэмжлэг хүсэж байна:
Манай өмнөх бүтээл болох “Шинэ бүтээл – Хүмүүс” номыг 135,000 төгрөгөөр худалдан авах, эсвэл гэрэл зурагчид Ц.Батзориг, Л.Элбэгзаяа нарын fine art хэвлэл бүхий, гарын үсэг, сертификаттай хязгаарлагдмал болон нээлттэй хэвлэл бүтээлүүдээс худалдан авах замаар төслийг дэмжих боломжтой.